ఈ పుట ఆమోదించబడ్డది
కొట్టినా లేవదు కోమటోరిపట్టి
డొప్పళ్ళ గందంబు గుప్పిలేపన్నా
గుప్పినా లేవదు ఈ గురిజలబంతి
దొడ్లో పనులెళ్ళే దోరఎండలొచ్చె
ఇకనన్న లేవవే దొడ్డివారిబిడ్డ
మందపసులెళ్ళె మారుఎండలెక్కె
ఇకనన్న లేవవె మా అమ్మ కోడలా
దోరటెండలూ మారుటెండలూ, దొడ్డికడువులూ వాటిపశువులూ మేతకు పోయేవేళలే; సూర్యుడుకాదు దినాన్ని నడిపేది! కోళ్ళూ, పశువులూ పాలెవాళ్ళూన్ను. మచ్చపడని చైతన్యము కనపడుతుందికాదూ పల్లెటూళ్లలో?
—ఊడ్పులూ కలుపుతీతలూ అయిపోతే పల్లపు పొలములలో పనులుండవు. మళ్లీ కోతనాడే కూలిజనముల కోలాహలము.
11
