ఈ పుట అచ్చుదిద్దబడ్డది
అల్లిక గుత్తముగా లేకున్నా నాగరిక రచనవలె కనబడ లేదు ఈపాట. విన్న వారి ఆపేక్షను పట్టి ఉంచడానికి చిన్న దాని చేత జవాబు చెప్పించాడు జానపద రచయిత.
ఈ రకపు పాటలు చెంచు నాటకములలో కూడా కనబడుతున్నవి. సింగడు
గుండు దిగవె చెంచిత గుండు దిగవే
వేళ్లకు తగ్గ కనకపు శ్రీ మెట్టె లిచ్చేనూ౹౹
అంటే సింగి
గుండు దిగనూ ఓబులా గుండు దిగనూ
వేళ్లకు తగ్గ కనకపు శ్రీ మెట్టె లొల్లనూ౹౹
అని జవాబు చెప్పేపాటను దొణప్పగారు పేర్కొనినారు. ఈ పాటలు వాడుకలో నున్నవే నాటకములలోనికి దిగియుండుననుటే సమంజసమేమో. ఏలలూ, లాలి, జోల, శోభనము, తలుపు దగ్గరపాట, మేలుకొలుపు, ఉయ్యాలపాట అన్న వన్నియును వాడు కలోనున్నని నాటకములో ప్రవేశించినవి.