ఈ పుట అచ్చుదిద్దబడ్డది
చెప్ప - చెప్ప 770 చెప్ప - చెప్పి
చెప్పక చెప్పు
- నోటితో చెప్పకనే సూచించు. తనంతట బోధపడు.
- "వచ:, ఖను లని యెల్లవారలకుఁ జెప్పక చెప్పె...." గుంటూ. ఉత్త. 38.
చెప్ప కూడ లేదు
- చెప్పుటకు కూడా సాధ్యం కాదు. చెప్ప వీలు కాదు. కాశీయా. 2. 74.
చెప్ప గిప్ప రాదు
- చెప్ప వీలు లేదు.
- "చేతులయందము చెప్ప గిప్ప రాదు." విజయ. 1. 131.
చెప్ప జిట్టలు
- వింతలు; చెప్పుటకు అలవి కానివి. అర్థ మింకనూ విచార్యము.
- "ఇమ్మహాత్ముని తెఱంగుఁ జెప్పఁ జిట్టలు." భార. శాంతి. 2. 429.
చెప్ప జూపగ రాకుండు
- అనిర్వర్ణనీయ మగు.
- అపురూపము లయినవాని పట్ల ఉపయుక్త మవుతుంది.
- "చెప్పఁ జూపఁగ రావు మక్కా సీమ వీ గుజరీ తివాసులు." శుక. 1. 222.
చెప్ప జూప రాని
- అవాఙ్మానసగోచరు డైన
- "చెప్పం జూపఁగ రాని లోకజనకున్ శ్రీకాళహస్తీశు." కా. మా. 4. 101.
చెప్ప పని లేదు
- చెప్పవలసిన అవసరము లేదు.
- "ఇదియ కొంత విస్తారంబు నొందఁ గలదది చెప్పఁ బని యేమి ప్రధానకథా భాగం బింతియె..." కళా. 5. 61.
చెప్ప రాదు
- చెప్ప గూడదు.
- "తన కది చెప్పరా దని పలుకుటయు." కళా. 4. 176.
చెప్పా లేదు చెయ్యా లేదు
- చెప్ప లేదు. జం.
- "చెప్పంగ లేదొండు చేయలే దొండు." బసవ. 3. 74.
- "చెప్పా లేదు చెయ్యా లేదు. తెల్లవారి చూచేటప్పటికి వెళ్లి పొయ్యాడు. నే నెలా ఉండ మంటాను?" వా.
- "చెప్పా చెయ్యాకుండా ఈ పని చేసేస్తే ఇక నేను చేయగల దే ముంది?" వా.
చెప్పి చూచు
- 1. చెప్పు.
- "సనకాదుల కంతయుఁ జెప్పి చూపనా, సచ్చరితుల్ సమస్తముని చంద్రులకున్ గరుణార్ద్రచిత్తు లై, యిచ్చిరి బ్రహ్మవిద్య." కా. మా. 2. 90.
- "ఆయనతో ఈ సంగతి చెప్పి చూస్తాను." వా.
- "నా విషయం ఆ అధికారితో ఒక మాట చెప్పి చూడండి."
- 2. ప్రయత్నించి చూచు.
- "నే నేమో చెప్పి చూస్తాను. వాడు వింటా డని నా కేమాత్రం నమ్మకం లేదు." వా.