ఈ పుట అచ్చుదిద్దబడ్డది
ఇంక_____ఇంగి 135 ఇంగి_____ఇంచు
ఇంక నా చేత గాదు
- ఇకమీద నాకసాధ్య మనుట.
- "నా చేత నింక గా దిది యోచెలువుడ యనగ." కళా. 1. 201.
- "ఇంతదాకా ఏదో చేస్తూ వచ్చాను గాని యింక నాచేత కాదు." వా.
ఇంకబాఱు
- ఇంకిపోవు.
- "పారావారమ్ము లింక బాఱిన." భాగ. 8. 595.
ఇం కేమి?....
- ఇం కెక్కడ?
- ఇక అది అసంభవ మనుట.
- "సాయంత్ర మయింది. వా డిం కేం వస్తాడు?" వా.
- "మబ్బు పట్టింది. ఇం కేం వెడతాం." వా.
- "కరువు వచ్చింది. ఇంకేం నిభాయిస్తాం?" వా.
- చూ. ఇంక ఎక్కడ?
ఇం కేమైన ఉందా?
- చాలా ప్రమాద మనుపట్ల ఉపయోగించేపలుకుబడి.
- "వీడు నోటికి వచ్చినట్లు వాగుతున్నాడే? ఇది ఆయనకే తెలుస్తుందనుకో. ఇం కేమైనా ఉందా?" వా.
ఇంగితజ్ఞుడు
- ఎదిరి మనసు నెఱుగగల వాడు.
- "వాడు ఏమైనా ఇంగితజ్ఞుడు. మన వాడికే ఇంగితజ్ఞానం లేదు. వా.
ఇంగిలాయ
- శుంఠ, తిట్టు.
- "ఇంగిలాయలు కొంటె కోణంగులైన." ప్రభా. నాట. 5.
ఇంగిలాయి
- చేపలలో ఒక భేదము.
ఇంగువకట్టిన గుడ్డ
- ఏమీ లేక పోయినా వెనుక బాగా బతికినవారిలో ఎంతో కొంత ఔదార్యం, ఉత్తమత ఉంటుందని అనేపట్ల ఉపయోగించేపలుకుబడి.
- ఇప్పు డందులో ఇంగువ లేక పోయినా, యింగువ కట్టినగుడ్డ కా వాసన ఉంటుం దనుటపై యేర్పడినపలుకుబడి.
- "వాళ్ళ సంసారం ఎంత చితికిపోయినా యిప్పటికీ అతిథూ అభ్యాగతీ అంటూ వస్తే పొమ్మనరు. ఎం తైనా ఇంగువ కట్టినగుడ్డ వాళ్ళకుటుంబం." వా.
ఇంచి మంచి పెట్టు
- అవీ యివీ యిచ్చు (మంచి చేసుకొను)
- ఇంచిమంచి-ఒక తినుబండము అని వావిళ్ల.
- "దాసితోడ మాలిమి యొనర్చుకొని యించిమంచి పెట్టి." శుక. 3. 295.
ఇంచుకంత
- కొంచెము.
- "ఇంచుకంత నిక్కిన." ఆము. 5. 116.
ఇంచుక వడి
- కొంచెము సేపు.
