తృతీయాశ్వాసము
127
దర్శనాముఁడు గానఁ ◆ దద్దయు నితఁడు
దర్శింపఁ జాలె నే ◆ తద్విషయంబు
లని చెప్ప శబరున ◆ కభిమతార్థంబు
లొనరంగ నిచ్చి తా ◆ రుత్తరదిశకు
భోరునఁ జనుచుండ ◆ ముందట నేగు
చౌరంగి యొక మహీ ◆ జమునీడఁ గొంత
తడవు గానఁగరాక ◆ తత్తరుచ్ఛాయఁ
(గడవ న)వ్వలఁ బొడ ◆ గాన వచ్చుటయు
వెఱఁగొంది మత్స్యేంద్రు ◆ వెనుక సద్భక్తి
గుఱుకొని యే తెంచు ◆ గోరక్షకుండు
ఈచిత్ర మెట్టిదో ◆ యెఱిగింప వలయు[1]
మేఘనాడ సిద్ధుని కథ
పొలతియుఁదానును ◆ బుత్రుఁడుఁ గూడి
కొలనిలోపలికి డి ◆ గ్గుచునుండ వచ్చి
పెలుచ గర్జించుచుఁ ◆ బెటపెట మొరసి
పడుమహీసురు తల ◆ పైఁబడ నుఱికి
వడివి ప్రకుని (మెడ) ◆ వాత (నుబట్టి)
గడువాఁడి కోఱలఁ ◆ గఱచిన నొగుల
నొడలు నెత్తుటఁ దోఁగి ◆ యో మహాదేవ
యనుచు నేలకు వ్రాలు ◆ నాత్మేశు నార్త
నినదము న్విని భీతి ◆ నెక్కొనఁ బాఱు
పణఁతిఁ జంపఁగ వెంటఁ ◆ బడువాలుమృగము
కణఁక వీక్షించి ది ◆ గ్గన నమ్ముఁ దొడిగి
యనువొంద దృఢముష్టి ◆ నమరించి విల్లు
కొనలుమోవఁగఁ దెగఁ ◆ గొని దృష్టి నిలిపి
మాఁగి తా నొకమ్రాను ◆ మాటున నుండి
తూఁగ నేయుటయు న ◆ ద్భుతముగా నిగిడి
నట్టెద నదరంట ◆ నాటిన మూట
గట్టి వేసినరీతి ◆ గాఁ దుక్కుడగుచు
నుప్పరం బెగసి యా ◆ యుగ్రమృగంబు
గుప్పున ధరమీఁదఁ ◆ గూలెఁ గూలుటయుఁ
జెట్టు సయ్యన డిగి ◆ చేరి యావిప్రు
- ↑ ఇటఁగొంత గ్రంథము దీనిమాతృక వ్రాయునప్పటికే పోయియండును.
