తృతీయాశ్వాసము
123
నీలోత్పలాస్త్రంబు ◆ నిగనిగ మెఱుఁగు
నీలపుత్రిక మరు ◆ నెలఁతుక కేలఁ
గేళిశుకంబు నాఁ ◆ గీర్తింపఁదగిన
బాల యొక్క తె తన ◆ పజ్జ నేతేర
నెక్కువెట్టిన విల్లు ◆ నేర్చిన (యమ్ము)
చిక్కువెండ్రుకకొప్పు ◆ చెవినున్న పీక
గోరోజనముబొట్టు ◆ గురువెందపేరు
పారుటాకుల కాసె ◆ పచ్చనిపొరక
పీలినెట్టెపుజుట్టు ◆ పెంచపూదండ
లీలఁ జెన్నారు పు ◆ ళిందుఁ డొక్కరుఁడు
వచ్చి యమ్మడువున ◆ వారిపూరంబు
చెచ్చెరఁ గ్రోలి యా ◆ చేరువ నున్న
సరసరసాలభూ ◆ జంబులనీడఁ
దరుణియుఁ దాను మో ◆ దంబున నుండి
కెలఁకులఁ గలయ నీ ◆ క్షించి బాలార్క
తులితాంశు మీననా ◆ థునిఁ బొడఁగనియు
నీమహామహుఁడు భూ ◆ తేశ్వరుం డైనఁ
బాములు తొడవులు ◆ ఫాలలోచనముఁ
బులితోలుకప్పును ◆ బునుకకంచమును
గలువలచెలికాని ◆ కళయుసు గలుగు
మనసిజాంతకునికు ◆ మారుఁడై వెలయు
ఘనుఁడు మత్స్యేంద్రుఁడు ◆ గాఁబోలు ననుచుఁ
గూరిమి ముదమునఁ ◆ గొంకుచుఁ జేరి
గోరక్షుచేత ని ◆ క్కువము నెఱింగి
తరుణియుఁ దానును ◆ ధరఁజాఁగి మ్రొక్కి
పరిపక్వఫలములు ◆ పాయ కర్పించి
యోగీంద్రవంద్య నే ◆ నొక చెంచువాఁడ
నీగిరితటమున ◆ నెసఁగిన వేడ్క
నొనర వేఁటాడుచు ◆ నొక్కొక యెడలఁ
గనిన విచిత్రముల్' ◆ గల వనేకములు
ఇవి యవి యని వాని ◆ నిచ్చలో నెరయ
వివరింపలేక య ◆ వ్విధము మీతోడ
విన్నవించెద నని ◆ వేడుక మీఱ
