ఈ పుట ఆమోదించబడ్డది
76. అంతరాల ఆభిజాత్యం
మానవత్వానికి సమాధికడుతూ
77. వ్యర్థమే అపూర్వ మేధస్సు
మనిషిలోని స్వార్ధాన్ని చంపకుంటే
78. అహాన్ని చంపకుంటే
అనుబంధాలకు తిలోదకాలే
79. మదిలో తీయని అలజడి
నీజ్ఞాపకం మెత్తగా తాకినందుకేమో
80. బంధమై అల్లుకోమంటే బ్రతుకే భారం చేసావు
మోదమై మురిపించమంటే ఖేదమే కానుక ఇచ్చావు
81. మనస్తాపాలే నీజతలో
మాటలముళ్ళు గుచ్చుతూ ఆనందాల్ని ఆవిరిచేస్తూ
82. అతిశయమే నా మదికి
తనలో నిన్ను నింపేసుకుందిగా
83. పేరుకి పెద్ద మనుషులే
మనసులు మాత్రం మరుగుజ్జులు
84. ప్రేమకు తావేది?
పైకం పెత్తనంచెలాయిస్తుంటే
85.అనురాగాల కొమ్మ, ఆకలి తీర్చే అన్నపూర్ణ
ఆగ్రహించిందా అంతు చూసే అపర కాళిక
