పుట:Manimalikalu.pdf/74

వికీసోర్స్ నుండి
ఈ పుట ఆమోదించబడ్డది

86. నిర్మల అంతరంగం నీ అందం
    అంతెరగని మమకారం నీ చందం

87. భామలందరూ బంగారాలే
    భార్య తప్ప... కొందరు ఘనులకి

88. మదిలో పదిలమే
    చెరగని చెదరని నీఊసుల మధురిమ

89. అరణ్య రోదనలే ఈ జనారణ్యంలో
    అబలల ఆక్రందనలు, అన్నార్తుల ఆకలికేకలు

90. మదనుడు వదిలిన విరిశరానివే
    మౌనపు పరదాలు తొలగిస్తూ మదిలో మోహాలు రేపుతూ

91. నీకై అలుపెరుగని అన్వేషణ
    దిగంతాల అంచులదాకా పయనిస్తూ

92. చుక్కలతో చంద్రయ్య దోబూచులాట
    వెండి మబ్బుల చాటుగా వెన్నెల విహారం చేస్తూ

93. నీరాక నామదికి ఆనందాలమహోత్సవం
    కనులకు సహస్రచంద్ర దర్శనం

94. జీవచ్ఛవాన్నే
    నీప్రేమ సంజీవనితో ఊపిరి పోయరాదా

95. విధి చేసిన ఆకస్మికదాడి
    ఫలితం నీ తస్కరణ