ఈ పుట ఆమోదించబడ్డది
26.కన్నీరెంత వెచ్చ నో
నీ వియోగజ్వాలల్లో నుంచి పుట్టుకొస్తున్నందుకేమో
27.కలయికలోని మధురగేయాలే
మన వియోగంలో మానని గాయాలు
28.ఎందుకు కలిపాడో? ఆ బ్రహ్మ
నిత్యం తగవుల తెరలే మనమధ్య
29.తెల్లారనంటూ మారాం చేస్తోంది రేయి
కలగా అయినా నువ్వు కనికరించకుంటే
30.నీ జతలో స్వర్గానికి నిచ్చెనలే ఆనాడు
నీ నిష్క్రమణతో అంతులేని అగాధాలే ఈనాడు
31.జీవిత నౌక సాగుతూనే ఉంది
మనుషులు మమతలు శాశ్వతమని భ్రమిస్తూ
32.నీతలపుల పతంగం
నా మనోవీధిలో యధేచ్చగా విహరిస్తూ
33.మౌనం తప్ప గత్యంతరం లేకుంది
కలలు కల్లలై ఎదను తడుపుతుంటే
34.అందనంత దూరంలో నీవున్నా
నేనెప్పుడు నీవెంటే నాఊహలరెక్కలతో
35. నిన్నే స్వప్నిస్తూ బాహ్యాన్ని పూర్తిగా మరిచా
వాస్తవం వణికిస్తూ కలల్లోనే కాలాన్ని కరిగించమంటుంటే
68.మణిమాలికలు--♦-లక్ష్మీ యలమంచిలి