56. నామనసుకి వైధవ్యం ప్రాప్తించింది
చచ్చిపోయిన నీప్రేమ కారణంగా
57. గుడిమెట్లపై ఎదురుపడతాయేమో ప్రతిరోజూ
పాపం పుణ్యం, వస్తూ ఒకటి పోతూ ఇంకొకటి
58. అప్పుడే తెల్లారిందా మళ్ళీ!
మార్నింగువాక్కి వచ్చేశావు గుండెల్లోకి
59. నా గుండెకు ఊబకాయం వచ్చేలావుంది
నీ మధురస్మృతులు అపరిమితంగా రుచిచూస్తుంటే
60. నామనసుకు ఆజ్ఞలు జారీచేస్తున్నావ్‌
హృదయపు సింహాసనంపై కుర్చోపెట్టుకున్నాననేగా
61. పాపం, ఏమి బాకీఉన్నాడో
చుక్కలన్నీ చంద్రునిచుట్టూ తిరుగుతున్నాయ్‌
62. ప్రశ్నార్ధకంగానే మిగిలిపోయింది
నీ జవాబురాని .. నా జీవితం
63. అక్షరాలను ఎంతలా మచ్చిక చేసుకున్నావ్‌!
ఎప్పుడూ నీగురించే వ్రాయానికి ఇష్టపడుతున్నాయ్‌
64. చీకటి వెలుగుల జీవన వేదికపై
కష్టసుఖాల నాటకం ఆద్యంతం వైవిధ్యభరితం
65. చూశావా, ఎన్ని మధురానుభూతుల్ని విరబూస్తోందో
నాహృదయంలో నువ్వు నాటిన ప్రేమమొలక
పుట:Manimalikalu.pdf/23
ఈ పుట ఆమోదించబడ్డది
