ఈ పుట ఆమోదించబడ్డది
182
66.
కాలం బందీ అయ్యింది
మన బిగికౌగిళ్ళలో చిక్కుకుని ముందుకు, వెనక్కు వెళ్ళలేక
67.
చేతులు చాపి హత్తుకుాంవా
పిడికెడు గుండెలో నా జీవితాన్ని నింపుకు నీముందుంచుతా
68.
కళ్ళలో వత్తులు వెలిగించుకు చూస్తున్నా
కన్నీటి చమురు ఆవిరవకముందే వచ్చెయ్
69.
జలపాతాలే నీ కురులు
తలనుండి మెడ మీదుగా జాలువారి నడుంపై పడుతూ
70.
నేనెప్పుడూ విఫలమే...
నీ ఊసుల వలయాన్ని దాటడంలో..!
71.
మనసుపై రాసిన పుస్తకాలు చదువలేని పామరుడినే
అయితేనేం నీ మనసును చదవడంలో పండితుడినే
72.
నాకళ్ళు కలల ఖజానాలే
దానికి కోశాధికారిణివి నువ్వైనప్పుడు
73.
ఎంత తిక్కశంకరుడివిరా ఈశా....పరమేశా...
లోకం కోసం గరళాన్ని దిగమింగావు
74.
నీ పెదవులు ముద్దాడినందుకేనేమో
మురళీ గానానికి ఈమాదుర్యం
75.
నీ మనసుకెంత మోమాటం...
ప్రేమించిన మాటైనా చెప్పలేనంతగా..!
మణి మాలికలు జ విశ్వనాథ్ గౌడ్ ఈడిగ