36.
నాలో నేను మోడువారిపోయా
నీలో చిగురించానేమో చూడు
37.
ఆ క్షణం వారు చిన్న పిల్లలే
తమని తాము మరచిపోయే క్షణాలు కావాలంతే
38.
నాక్కొంచం వెన్నెల కావాలి
నువ్వోసారి ఇటు తొంగిచూడు
39.
నా జీవితకాలాన్ని అద్దెగా చెల్లిస్తా
కాస్త నీ హృదయంలో చోటియ్యవూ
40.
నడకే రాదనుకున్నా నా మనసుకి
పరుగే పెడుతుందేమిలా నీ మనసుకై
41.
మలిక్షణం ఎప్పుడూ కొత్త కాల పరిచయమే
కొత్త క్షణమెప్పుడూ ఆశను నిలిపే జీవమే
42.
కావ్యం రాయడానికి ఆలోచనలు కావాలా?
కాలపు జ్ఞాపకాల సమీరాలు చాలవూ
43.
నిన్నేగా నిన్ను చూశా
నేటికల్లా నా జీవితమయ్యావే!
44.
ఎప్పుడూ భ్రమల్లోకేనా ప్రయాణం
దాటిచూడు తెలుస్తుంది జీవితం
45.
లెక్కల పుస్తకం కాదుగా జీవితం.
నిద్రలోను మెలకువగానే నేను
కలలో నీతో కబుర్లుచెప్తూ!
57.
కనీసం ఈ ఒక్కరోజైనా ప్రేమించవూ
ఈ రోజు ప్రేమికులదినం అంటగా!
58.
శిలనై ఉన్నాను నేను
సమ్మెటతో కొట్టకు పగిలిపోతా...ఉలితో చెక్కు శిల్పానౌతా
59.
పూలు వాడినా వీడదులే దారం
నువ్వు వీడినా వదలదులే నీజ్ఞాపకం
60.
నా మనసు పుస్తకం అందంగా అచ్చయింది
నీ ముఖచిత్రం నా ఎదపై ముద్రించాక
61.
రామాయణంలో సీత ఒక్కతే అగ్నిప్రవేశం నాడు
ఇంటింటా వంటింటి అగ్నికాహుతయ్యే సాద్వీమణులెందరో నేడు
62.
డొంకతిరుగుడు ఎందుకు?
కల్లోకి కాకుండ ఎదురుగా రావచ్చుగా..!
63.
అరకొర చదువుల బ్రహ్మయ్యా
మాబ్రతుకులపై నీ పిచ్చిరాత ఏ ఒక్కరికి అర్థంకాదేమయ్యా?
64.
కాలానికి ఎందుకింత కక్ష
కనీసం నిన్నుకల్లో అయిన ఉండనీయకుండ తెలవారుతుంది
65.
నీ విరహం వేడి
నిప్పులనే తలపిస్తోందిగా మరి!
మణి మాలికలు జ విశ్వనాథ్ గౌడ్ ఈడిగ
మణి మాలికలు జ సురేష్ బాబు రావి 181