148
46.
ప్రాణం నిలవదు నువ్వు కాదంటే
అవునన్నా పోతుందేమో...పట్టరాని సంతోషంతో
47.
ప్రేమకావ్యానికి అక్షరాభ్యాసం చేయించావు
ఎందుకో ముందుమాటతోనే ఆపేసావు
48.
ప్రేమ ఫలిస్తే పరవశంతో కన్ను మూత పడుతుంది
వలపు 'విష'మిస్తే ఆ దుఖంలో కన్ను మూసేస్తుంది
49.
తాంబూలంలో సున్నం ఎక్కువైతే నాలుక మంట
జీవితంలో వలపు ఎక్కువైతే బ్రతుకు పంట
50.
నిదరోతే కలలో కనిపిస్తావని ఆశ పడేవి కళ్ళు
కల కన(పడ)క మండేవి మదిలో విరహపు నెగళ్లు
51.
నీ చెలిమి దినదిన క్షయం
నా వలపు అహరహం అక్షయం
52.
ఆలయం కట్టాక విగ్రహ స్థాపన సాధారణం
దేవీప్రతిష్టతొ గుండె...గుడిగా మారటం అద్బుతం
53.
నువ్వు నవ్వితే మదిలో మంచుకుసుమం రాలినట్లు
అలిగితే మనసువెన్నపై కొరకంచుతో మెత్తగా తాకినట్లు
54.
అందాల జాబిల్లి మోముపై మచ్చలు
వెన్నెలమ్మ పెంచిందేమో వాడి గోళ్ళు
55.
ప్రేమఊసుల్ని బిడియంగా వింటాయి లోలాకులు
గుండెగడియారంలో వలపు డోలనాలు చేస్తూ
మణి మాలికలు జ శ్రీనివాస్ ఆర్.వీ.ఎస్.ఎస్