ఈ పుట ఆమోదించబడ్డది
120
66.
- తను శిధిలం చేసిన నాహృదయాన్ని తడుముకున్నా
- తనే తాకిందనుకుని ఆశగా చూసింది మరోసారి
67.
- నీ నాలుకతో నా కనుపాపను ముద్దాడావు
- కంటిలో నలుసు పడింది అంటూ...దొంగా
68.
- ఏదో కోల్పోùయిన భావన
- నిన్నా? లేక నన్నా??
69.
- శాఖాహారమే తింటాడట
- చెట్లుకు కూడ ప్రాణముందని మరిచిపోయాడు
70.
- నువ్వే నయం
- నీ తలపులు మరింత ఉక్కిరిబిక్కిరి చేస్తున్నాయి నన్ను
71.
- చేరుకున్న ప్రతిమజిలీలో ఆశగా చూస్తా నీకోసం
అదేంటో...ఎపుడూ వాస్తవం వెక్కిరిస్తూ కనిపిస్తుంది
72.
- ఎన్ని వసంతాలు వర్షించి శిశిరమైపోయాయో
- నీకై నా ఎదురు చూపులలో
73.
- నావేళ్ళ కొసలు వణుకుతున్నాయి
- 'నీ ఇష్టప్రకారమే విడిపోదాం' అని నీకు లేఖరాస్తుంటే
74.
- నిమిషంలో తిరిగొస్తానంది
- యుగాలు కరిగిపోయినా ఆ నిమిషం గడవదే ఇప్పటికీ
75.
- నా కవనపు ప్రతీ పదం నీవే
- నా గమనపు ప్రతీ పథం నీవే
మణి మాలికలు జ సాయి కామేష్ గంటి