ఈ పుట ఆమోదించబడ్డది
8. డయాఫ్రం
డయాఫ్రం అంటే ఏమిటి ?
క్రొత్తగా కాపురం పెట్టిన రోజారమణికి కడుపు రాకుండా రోజూ మాత్రలు మింగాలంటే మహాయిబ్బందిగా ఉంది. పిల్లలు కలగడం విషయంలో తనకేమంత పట్టింపు లేకపోయినా రామారావుకి మాత్రం తన "పంచవర్ష ప్రణాళిక" పూర్తి అయ్యే వరకూ పిల్లలు పుట్టకూడదని పెద్ద పంతంగా ఉంది. ఈ విషయమై రోజూ మాత్రలు మింగలేని రోజారమణికి రామారావుకి మధ్య ఎప్పుడూ వివాదమే. దీనికి వేరే పరిష్కారమార్గం ఉందేమోనని డాక్టరు సలహా అడిగితే కొంత తృప్తి కల్గించే మార్గమే కనబడింది. అదే సంతాన నిరోధక పద్ధతిగా - డయాఫ్రం.
వెజైనల్ డయాఫ్రంని మొదట జర్మనీకి చెందిన శాస్త్రజ్ఞుడు హాన్సే 1882లో రూపొందించాడు.
