93
సన్మార్గ వర్తియై చనుదెంచు నినురీతి
ఘోరంబుగాఁదోచు గూబకెపుడుఁ
గావున త్వదీయమహిత శృంగారలలిత
బహుళ నవ రసాలంకృత భరితకవిత
హృద్యమై కొందఱకుఁదోఁప దేమొకాని
సరసకవికర్ణ పేయమై వఱలుచుండు
కలిగె యశంబుమీకతనం గాశ్యపియందున నాంధ్రవాణికిన్
గలువలఱేని నొక్కరునిఁగాంచియు మిన్నును మన్నుఁగాన కే
మెలఁగెడువార్దికన్నఁ గడుమిన్నగదా దలఁపన్ గళావిలా
సుల మిమునిర్వురన్ గనిన సువ్రతమున్ గనియుంట సత్కవుల్
యశము దిక్కుల రాజిలు నటులఁ జేసి
యాయురారోగ్య భాగ్యంబు లధిక కరుణ
నొసఁగి మిముఁబ్రోచుఁగావుత నసురజీవ
వాతవాతాశనుఁడు చక్రపాణియెపుడు.
బ్రహ్మశ్రీ పుట్రేపు శేషయ్యగారు
కవితా కాంతయు ధారణారమణి సౌఖ్యంబందఁగా వేఁడి మి
మ్మె వరించెన్ జుఁడియీడుజోడనుచు నెమ్మిన్ జాలఁగాంక్షించితా
నవలన్ వచ్చె యశోలతాంగియిటు లాపోయిందఱన్ దన్పు ధీ
రవధాన్యగ్రణులైన మీకుఁ గవితారాజ్యంబు గట్టందగున్
ఆశుకవనంబె వీరలకబ్బెఁగాని
శతవధానంబుఁ జరఁగించు శక్తిసున్న
యనెడివారలఁ దగు దురూహాగ్రహంబు
మఱుఁగుపడె నేటియవధాన మంత్రమహిమ
