పుట:Kokkookamu.pdf/69

స్త్రీలసమయరతివిశేషము

శ్లో.⁠

అధ్వక్లాన్తతనుర్నవజ్వరవతీ నృత్యశ్లధాంగీ తథా                         మాసైకప్రసవా దతాతి సురతే షణ్మాసగర్భా సుఖం। విఖ్యాతా విరహయ్య సంగమవిధౌ క్రుద్ధప్రసన్నే ఋతు                         స్నానే నూతనసంగమే మధుమదే రాగాస్పదంయోషితః॥

⁠

సీ.⁠

కలు ద్రావి యరచొక్కుఁ గవసినఁ గమలాక్షి                  దూరంబు నడచిన తోయజాక్షి యొకనాఁటిజ్వరము మైనొదవిన యంగన                  నాట్యమాడి యలయు నాట్యగంధి నాల్నాళ్ళు గడచిన నారీశిరోమణి                  గర్భమై యార్నెల ల్గలుగు కాంతఁ గోపంబు మగని పైఁగొన్న లతాతన్వి                  విరహాంతమునఁ గూడు విద్రుమోష్ఠి

⁠

గీ.⁠

బిడ్డఁ గన్నట్టి నెలనాళ్ళ భీరుమధ్య మొదలఁ బొలివోకయుండిన ముద్దరాలిఁ గలిసినప్పటి సౌఖ్యంబు కొలఁదిఁ జెప్ప నించువిల్తుఁడు నింద్రుఁడు నెఱుఁగలేరు.

⁠

తా.⁠

మధుపానము జేసి స్మరణదప్పియున్న మగువతోనైనను, దూరము నడచి వచ్చిన తొయ్యలితోనైనను, ఒకరోజు జ్వరము వచ్చినయువిదతోనైనను, నృత్య ము జేసి బడలియున్ననాతితోనైనను, ఆరునెలలు గర్భమైనకాంతతోనయినను, మగనిమీద కోపించినమగువనైనను, విరహముతో కలియువెలందినయినను, ప్రస వించి నెలదినములైన పడంతినైనను, ప్రథమరజస్వలయైన కన్యనైనను కూడిన యెడల నట్టిసౌఖ్యము మన్మథుడుగాని యింద్రుడుగాని యనుభవించియుండరు.

⁠

శ్లో.⁠

ప్రథమమదనయుద్ధే యోషితః స్వల్పభావాః                         కథమపి చిరకాలతృప్తియోగం లభన్తే। ధృతగురుతరభావాః క్షిప్రకలా ద్వితీయే                         భవతి తు విపరీతః పూరుషేషు క్రమో౽యమ్॥

⁠