పుట:Kokkookamu.pdf/232

సీ.⁠

కాచు నెనుమువెన్న కప్పచిప్పలయొక్క                  పిష్టంబు నెనుపెంటి పెంట పెరుఁగు నెనుపెంటినెయ్యి పెన్నేరుగడ్డయు జీడి                  పండుగింజయు గోవుపంచితంబు సైంధవలవణంబు సరిగాఁగ మర్దించి                  కామఁ బూసిన వృద్ధి కలుగుచుండు తేనెయుఁ దగరంబు తెల్లయావలు నపా                  మార్గంబు యవ కోష్టు మరిచములను

⁠

గీ.⁠

దిలలు పిప్పళ్ళు పెన్నేరు ములకపండ్లు మినుము సైంధవలవణంబు నెనయఁ గూర్చి కంఠ భుజ యోని కుచ కర్ణ కాయములను గలియఁబూసిన దండము బలియు రతుల.

⁠

తా.⁠

కాచు, ఎనుమువెన్న, కప్పచిప్పలయొక్కపిండి, పెరుగు, గేదినేయి, పెన్నెరుగడ్డ, జీడిగింజ, గోమూత్రము, సైంధవలవణము, సమానభాగములుగా కలిపి నూరి దండమునకు బూసిన వృద్ధియగును. మఱియు, తేనె, గ్రంధితగరము, తెల్లనియావాలు, ఉత్తరేను, యవలు, చంగల్వకోష్టు, మిరియములు, నువ్వులు, పిప్పళ్లు, పెన్నేరుగడ్డ, ములకపండు, మినుములు, సైం ధవలవణము, ఇవి నూరి మెడ, భుజములు, మర్మస్థానము, కుచములు, చెవులు, దేహము, వీటియందు పూసికొని రమించిన దండము వృద్ధియగును.

⁠

శ్లో.⁠

భల్లాతకబృహతీఫలదాడిమఫలకల్కసాధితం కురుతే। లింగం మర్దనవిధినా కటుతైలం వాజిలింగా౽౽భమ్॥

⁠

ఆ.⁠

జీడిగింజ ములకచిగురు దాడిమపండు చర్మ మావనూనె సహితముగను శిశ్నలేపనంబుఁ జేసిన వర్ధిల్లు నశ్వలింగమటుల నతిశయిల్లు.

⁠

తా.⁠

జీడిగింజ, ములకచిగురు, దాడిమపండుతోలు, ఆవనూనె, ఈవస్తు వులు కలియనూరి దండమున కుబూసిన గుఱ్ఱముయొక్కదండమువలె వృద్ధిపొందును.

⁠