పుట:Kokkookamu.pdf/174

సీ.⁠

నాశత్రుఁ గూడె నీనాతినాథుఁడు దీనిఁ                  బొందిన నది వానిఁ బొందఁజేయు బలవంతుఁ డీనాతిపతి దీనిఁ గదిసిన                  చెలువ వానికి నాకుఁ జెలిమిఁ జేయు ధనికురా లీకాంతఁ దగిలినఁ దనసొమ్ము                  చేరలకొలఁది నాచెంతఁ జేర్చు మర్మజ్ఞురాలు ప్రేమము గల్గు నామీఁదఁ                  జొరకున్న నామర్మ మొరుల కిచ్చు

⁠

గీ.⁠

దీని నేవేళఁ బొందిన దీనికతన జాలఁదలఁచిన పనులెల్లఁ జక్కనౌను మేలుగాకని యన్యకామినులఁ దగిలి రతులు సల్పుదు రెటువంటిరసికులైన.

⁠

తా.⁠

తమ శత్రువులకు స్నేహితులైన వారి భార్యలను బొందిన శత్రువు లకును దమకును స్నేహము గలుగునని కొందఱును, బలవంతులైనవారి భార్యలను పొందిన బలవంతులగువారితో స్నేహము కలుగునని కొందఱును, ధనికురాలగు కాం తను బొందిన దమకు కావలసినపుడు ధనము యిచ్చునని కొందఱును, తమ మర్మ ములను దెలిసిన పరకాంతలను బొందిన తమ మర్మముల నితరులకు దెల్పకుండు నని కొందఱును, నీతిని దెలిసిన పరకాంతలను బొందిన తాము తలంచిన కార్య ములు నెఱవేఱునని కొందఱును పరస్త్రీసంగమమునకు పురుషు లిచ్చగింతురు.

⁠

శ్లో.⁠

ఇత్యుపలక్షణమిత్థం కారణమాలోచయన్న రాగతో యాయాత్। కారణవిచారణసహమథవా స్వం వీక్ష్య మన్మథోన్మథితమ్॥

⁠

క.⁠

ఈకార్యంబులలోపల నేకార్యంబును నొనర్తు రిటు గాకున్నన్ భీకరమన్మథబాణా స్తోకాహతినైనఁ జొచ్చి దొరకొందు రొగిన్.

⁠

తా.⁠

కాముకులు పైన జెప్పియుండిన కారణములచేనైనను మన్మథబాణ ములకు లోనైయైనను పరదారాగమనమున బ్రవర్తింతురు.

⁠