60 జానుకూర్పరబంధ లక్షణము
| శ్లో. |
కూర్పరేణ పరివేష్ట్య యోషితో జానుకంఠమవలంబ్యయత్పదా।
ఊర్ధ్వమున్మదవరస్య మేహనం యోజయేత్తదిహ జానుకూర్పరమ్॥
|
|
| మ. |
సతిభిత్తిస్థలిఁ జేరియుండ విభుఁ డచ్చంబైన ప్రేమంబున
న్మతియాహ్లాదము గూర్ప జానువులపై నైజాంఘ్రల న్నిల్పి కం
ఠతలం బొయ్యనఁ గౌఁగలించి యటుకూడ న్గామశాస్త్రజ్ఞు లు
న్నతిగాఁ గూర్పరజానుకం బనఁ దగు న్నవ్యప్రమోదంబుగన్.
|
|
| తా. |
కామిని గోడయొద్ద జేరి నిలిచియుండగా పురుషు డాస్త్రీయొక్క
మోకాళ్ళకు దనమోకాళ్ళను దగిలించి యాపె కంఠమును గౌఁగలించి రతిసల్పు
భావము జానుకూర్పరబంధ మనిరి.
|
|
61 హరివిక్రమ, 62 ద్వితలబంధముల లక్షణములు
| శ్లో. |
యోషిదేకచరణే సముచ్ఛితే జాయతేచ హరివిక్రమాహ్వయమ్।
భిత్తికప్రియకరస్య సున్దరీ పాదయోర్ద్వితలసంజ్ఞకం రతమ్॥
|
|
| ఆ. |
కంబ మొద్ద నిలిపి కామిని యొకపాద
మిల ఘటించి యొకటి యెత్తిపట్టి
యదిమి గళము కూడ హత్తి కౌఁగిటఁ జేర్చి
విటుఁడు గవయ సింహవిక్రమంబు.
|
|
| తా. |
సతి స్తంభమునకు వీపు నానుకొని యొకకాలు భూమిమీద నుంచి
మఱియొకకాలు చేతితో నెత్తిపట్టియుండగా పురుషు డాసతికంఠమును గౌఁగ
లించి ప్రక్కవాటుగా యదిమి రమించుభావమును హరివిక్రమబంధ మనిరి.
దీనినే సింహవిక్రమ మందురు.
|
|
| మ. |
కళుకు న్బంగరుభిత్తిభాగముల నాకాంతుండు తాఁ జేరి ని
శ్చలభంగి న్గరయుగ్మమందు సరసీజాతాక్షి పాదద్వయి
న్నిలువంబట్టిన నైజకంఠము బిగ న్నిండారఁ గౌఁగిళ్ళఁ దొ
య్యలి గూర్పన్ ద్వితలాఖ్యబంధ మగు సాంద్రానందసంపాదియై.
|
|
