పుట:Kokkookamu.pdf/125

⁠

బట్టి పాన్పుపైని బవళింపఁ గరపాద నామబంధ మయ్యె సామువలన.

⁠

తా.⁠

సతి తనయొక్కచేతులను బారసాచుకొని తనయొక్కతొడలను గూడ బారసాచి కాలిబొటనవ్రేళ్ళను చేతివ్రేళ్ళతో బట్టుకొనియుండగా పురుషుడు రమించుభావము కరపాదబంధ మనిరి.

⁠

40 సాచీముఖబంధ లక్షణము

క.⁠

పదములు తిరుగఁ బిరుందులఁ గదియించి శిరంబు రెండుకరములు శయ్యన్ గదియించి యున్న తరుణిం గదిసిన సాచీముఖంబుగా నుతి కెక్కున్.

⁠

తా.⁠

సతి తనయొక్కపాదములను ద్రిప్పి పిఱుదులక్రింద నుంచుకొని తలయు చేతులును పరుపుపయి యుంచి పండుకొనియుండగా పురుషుడు రమించుభావము సాచీముఖబంధ మనిరి.

⁠

41 అర్ధచంద్రబంధ లక్షణము

ఆ.⁠

ఊరుయుగము మింట నున్నతంబుగ సాచి కరయుగంబుచేతఁ గటియుగంబుఁ బట్టి మీఁది కెత్తి పవళించుచెలిఁ గూడ నర్ధచంద్రబంధ మనఁగ నొప్పు.

⁠

తా.⁠

సతి తనయొక్కతొడలను పొడవుగా మీదికెత్తి చేతులతో పిఱు దులను బట్టుకొని మీదికెత్తి పండుకొనియుండ పురుషుడు రమించుభావము అర్ధ చంద్రబంధ మనిరి.

⁠

42 ఉపాంగబంధ లక్షణము

ఉ.⁠

నారివరాంగమందు మదనధ్వజ ముంచి బిగించి యూరువుల్ చేరిచి చక్కఁగా శయనసీమఁ బరుండిన దానిమీఁదుగా శౌరియుఁ బవ్వళించి నిజజానువుజానువు ఱొమ్ముఱొమ్మునన్ జేరిచి మోముమోముపయిఁ జేర్చి రమింప నుపాంగకం బగున్.

⁠