ఈ పుట ఆమోదించబడ్డది
* మోహినీప్రకృతి.
జిలిబిలి తియ్యని రాగములెత్తీ చేసెను గానము సెలయేఱు,
తళతళ వెన్నెల నిగ్గుల నలలుం దాండవమాడెను మైమఱచి;
కలకల కోకిల రవములు రజనీ గాంభీర్యమునకుఁ దోడ్పడియె;
జలజల దేహము పులకించి వ్రేళులు జాఱెను వీణాతంత్రులను.
ఓరె! నా జీవన శుష్క ఝరంబు
పాఱెఁ గూలంకష పూర్ణముగ;
జాఱెరా, పరలోక జీర్ణతటంబు
పూరసంఘర్షణ శీర్ణముగ!
పగిలెఁ గమండల పాత్రిక !
చిగిరించె సంసార వల్లిక!
తగదిఁక బైరాగి జీవిక !
జగమెల్ల నందనవాటిక !
27-3-1923
- _________
