ఈ పుట అచ్చుదిద్దబడ్డది
82
ఇంద్రాణీ సప్తశతీ
శ. 3.
18. సర్వగుణా సర్వవిభా సర్వబలా సర్వరసా |
సర్వమిదం వ్యాప్యజగ త్కాపి విభాంతి పరమా ||
19. వ్యోమతను ర్నిర్వపుషో దేవి సతస్త్త్వం దయితా |
అస్యభియుక్తై ర్విబుధై రంబ మహేశ్వర్యుదితా ||
20. సా ఖలు మాయా పరమా కారణమీశం వదతాం |
సా ప్రకృతి స్సాంఖ్యవిదాం సా యమినాం కుండలినీ ||
21. సా లలితా పంచదశీ ముత్తమ విద్యాం జపతాం |
సా ఖలు చండీ జననీ సాధు నవార్ణః భజతాం ||
22. సా మమ శచ్యాః పరమం కారణరూపం భవతి |
కార్య తను ర్దివి శక్రం సమ్మదయంతీ లసతి ||
23. వ్యోమతనో స్సర్వజగ చ్చాలన సూత్రంతు వశే |
నిర్వహణే తస్య పున ర్దివ్య తను స్త్రీ త్రితయం ||
24. పాతుమిమం స్వం విషయం హంత చిర్నాన్ని ర్విజయం |
కింకర మీశే విభయం మాం కురు పర్యాప్తశయం ||
