ఈ పుట ఆమోదించబడ్డది
34
ఇంద్రాణీ సప్తశతీ
శ. 2.
1. కుమారలలితాస్తబకము
1. సురేశ్వర మహిష్యా స్స్మితం శశిసితం మే |
తనోతు మతి మచ్ఛాం కరోతు బల మగ్య్రం ||
2. విధాయ రిపు ధూతిం నిధాయ సుదశాయాం |
పులోమ తనుజాతా ధినోతు భరత క్ష్మాం ||
3. పదప్రణత రక్షా విధాన ధృతదీక్షా |
జగద్భరణ దక్షా పరా జయతి శక్తిః ||
4. స్వర త్యవిరతం సా శనై ర్నభసి రంగే |
జ్వలత్యధిక సూక్ష్మం జగత్ప్రభవ శక్తిః ||
5. మహస్తవ సుసూక్ష్మం నిదాన మఖిలానాం |
భవత్యఖిల మాత ర్జగత్యనుభవానాం ||
6. జనన్యనుభవానాం మతిత్వపరిణామే |
స్వరో భవతి మూలం తవాభ్ర హయరామే
7. య ఈశ్వరి నిదానం సమస్త మతి భానే |
స్వరో గతివి శేషా త్సఏవ ఖలు కాలః ||