ఈ పుట ఆమోదించబడ్డది
24
ఇంద్రాణీ సప్తశతీ
శ. 1.
22. పుం నామా భవతు స్త్రీనామా౽స్త్వథవా |
వ్యక్తి ర్వ్యోమ తను ర్లోకం పాత్యఖిలం ||
23. నాకే సా కిల భా త్యైంద్రీ రాజ్యరమా |
బిభ్రాణా లలితం స్త్రీరూపం పరమా ||
24. శక్తాం దేవి విధే హ్యార్తానా మవనే |
ఇంద్రస్యేవ భుజాం వాసిష్ఠస్య మతిం ||
25. పూజా శక్రతరు ణ్యేతై స్సిద్ధ్యతు తే |
గాతౄణాం వరదే గాయత్రై ర్ముకుళైః ||
- _________
4. వసుమతీ స్తబకము
1. మోహం పరిహర న్యోగం వితనుతాం |
దేవేంద్ర దయితా హాసో మమహృది ||
2. ఆభాతు కరుణా సా భారత భువి |
సుత్రామ సుదృశో యద్వన్నిజ దివి ||
3. వందారు జనతా మందార లతికాం |
వందే హరిహయ ప్రాణప్రియతమాం ||
4. శోకస్య దమనీం లోకస్య జననీం |
గాయామి లలితాం శక్రస్య దయితాం ||
