ఈ పుట అచ్చుదిద్దబడ్డది
244
ఇంద్రాణీ సప్తశతీ
శ. 7.
6. సకలామయప్రశమనం దురిత
క్షయకారి కాంక్షితకరంచ భవేత్ |
సురసుందరీ జనసమర్చితయో
ర్హృది రేణుకా చరణయోః కరణం ||
7. వినిహంతి పాపపటలం స్మరణా
ద్విధునోతి రోగనివహం భజనాత్ |
విధధాతి వాంఛితఫలం స్తవనా
న్మనుజస్య రామజననీ చరణం ||
8. శరణం వ్రజామి నవరవ్యరుణం
చరణం తవాంబ నృపజాతిరిపోః |
భరతక్షితే రవనతః ప్రథమం
మరణ మమేహ నభవత్వధమం ||
9. స్మరణం చిరాదవిరతం విదధ
చ్చరణస్య తే తరుణభానురుచః |
అయమస్తు రామజనయిత్రి పటుః
సురకార్య మార్యవినుతే చరితుం ||
