ఈ పుట అచ్చుదిద్దబడ్డది
238
ఇంద్రాణీ సప్తశతీ
శ. 7.
15. అదృష్ట కనకం కులం మమ చిరా
న్ని రాయుధమిదం నిరాశమభితః |
స్వభావత ఇవ ప్రబుద్ధమభవ
త్తవాంబచరణం వజ్రామిశరణం ||
16. అవీరచరితం విపాలక కథం
నిరార్షవిభవం చిరాన్మమకులం
ఇదం మమమనో నికృంతతి ముహు
స్తవాంబచరణం వజ్రామిశరణం ||
17. చిరాత్స్మృతిపథాదపి చ్యుత మజే
తపోబలభవం తమార్ష విభవం |
స్వదేశమధునా పునర్గమయితుం
తవాంబచరణం వ్రజామిశరణం ||
18. హతంచ విహతం ధుతంచ విధుతం
రుదంత మభితో విశిష్టకరుణే |
ఇమం స్వవిషయం శివం గమయితుం
తవాంబచరణం వ్రజామిశరణం ||
19. క్షయాయ సుకృత ద్విషాం విహరతాం
శివాయచ సతాం ప్రపంచ సుహృదాం |
నిజస్యమనసో బలాయచ పరే
తవాంబచరణం వ్రజామిశరణం ||
20. జయత్సు సుకృతం ద్విషత్సు పరితః
సతామపి కులే బలేన రహితే |
ఖలప్రియయుగే కలౌ పరిణతే
తవాంబచరణం వ్రజామిశరణం ||
