ఈ పుట అచ్చుదిద్దబడ్డది
222
ఇంద్రాణీ సప్తశతీ
శ. 7.
1. ద్రుతవిలంబితస్తబకము
1. సురమహీరమణస్య విలాసినీ
జలచరధ్వజ జీవితదాయినీ |
హరతు బోధదృగావరణం తమో
హృదయగం హసితేన సితేన మే ||
2. నమదమర్త్యకిరీటకృతైః కిణైః
కమఠపృష్ఠనిభే ప్రపదేంకితా |
పరిధునోతు శచీ భరతక్షితే
ర్వృజినజాల మజాలమకంపనం ||
3. అతితరాం నతపాలన లోలయా
విబుధనాథ మనోహరలీలయా |
కిరిముఖీ ముఖ శక్త్యుపజీవ్యయా౽
విదితయా౽దితయా గతిమానహం ||
4. ఘనహిరణ్య మదాపహ రోచిషా
వనరుహాననయా౽వన దక్షయా |
గతిమదింద్ర మనోరధ నాథయా
భువనమేవ న మే కులమత్రకౌ ||
5. తనుషు వామనమూర్తిధరే విభౌ
తమనుయాచ విరాజతి వామనీ |
శరణవా ననయాంబికయా లస
త్కరుణయా౽రుణయా పదయోరహం ||
