ఈ పుట అచ్చుదిద్దబడ్డది
210
ఇంద్రాణీ సప్తశతీ
శ. 6.
4. సుముఖీస్తబకము
1. అజితమినాగ్ని తటి చ్ఛశిభి
ర్మమహృదయస్య తమః ప్రబలం |
అమరపతిప్రమదా హసితం
విమల ఘృణిప్రకరై ర్హరతు ||
2. సురనృపతేర్దయితా వివతా
హితశమనీ లులితా మితరైః |
వరకరుణా వరుణాలయ దృ
ఙ్మమజననీ మవతా దవనిం ||
3. పటుతపసో జమదగ్ని మునే
రిహ సహధర్మచరీం భువనే |
తనయ నికృత్తశిరఃకమలాం
వరమతి మావిశ దింద్రవధూః ||
4. యదుకులకీర్తి విలోపభియా
బత వినిగుహ్య ఋతం కవయః |
మునిగృహిణీ వధహేతుకథా
మితర పథేన భణంతి మృషా ||
5. న సురభి రర్జునభూమిపతి
ర్భృగుతిలకస్య జహార స యాం |
ఇయమమృతాంశు మనోజ్ఞముఖీ
పరశుధరస్య జనన్యనఘా ||
6. అతిరథ మర్జునభూమిపతిం
సహపృతనం జమదగ్ని సుతః |
యుధి సవిజిత్య విశాలయశాః
పునరపి మాతర మాహృతవాన్ ||
