ఈ పుట అచ్చుదిద్దబడ్డది
206
ఇంద్రాణీ సప్తశతీ
శ. 6.
15. సూక్ష్మరజోభి ర్విహితముదారం
యజ్జగదేత ద్గగన మపారం |
తత్తవ వేదః ప్రవదతీ కాయం
పావని భానుస్తవ తనుజో౽యం ||
16. ఈశ్వరి నైక స్తవ ఖరతేజా
స్తేపిచ సర్వే జనని తనూజాః |
ఉజ్వల ఖేటాః కువదతికాయాః
పావని కస్తే ప్రవదతు మాయాః ||
17. యా మహిమానం ప్రధయతి భూమిః
పావనకీర్తిర్జలనిధి నేమిః |
సేయమపీ శే భవతి సుపుత్రీ
వాసవజాయే తవ జనధాత్రీ ||
18. అంగ! సఖాయో ! విరమత సంగా
ద్దుర్విషయాణాం కృతమతి భంగాత్ |
ధ్యాయత చిత్తే ధుతభయబీజం
వాసవజాయా చరణ సరోజం ||
19. పాపమశేషం సపది విహాతుం
శక్తిమనల్పామపి పరిధాతుం |
చేతసి సాధో కురు పరిపూతం
వాసవజాయా పదజలజాతం ||
20. ఈశ్వరి వంద్యద్యుతి భృతిమేఘే
కాంక్షిత నీరాణ్యసృజతి మోఘే |
నిర్మలకీర్తేస్తవ శచి గానం
శక్ష్యతి కర్తుం తదుదక దానం ||
