ఈ పుట అచ్చుదిద్దబడ్డది
198
ఇంద్రాణీ సప్తశతీ
శ. 6.
17. యోషి తామపి విమోహనాకృతి
ర్మోహనం పురుషసంహతే రపి |
ఇంద్రమంబ రమయాం బభూవిథ
త్వం రసార్ద్రహృదయా లసద్రసం ||
18. దివ్యచందన రసానులేపనైః
పారిజాత సుమతల్పకల్పనైః |
చారుగీతకృతిభిశ్చ భేజి రే
నాకలోక వనదేవతాశ్చ వాం ||
19. స్వర్ణదీసలిలశీకరోక్షి తాః
పారిజాత సుమగంధ ధారిణః |
నందనే త్రిదశలోకరాజ్ఞి వాం
కేపి భేజు రలసాః సమీరణాః ||
20. ఆదధాసి సకలాంగ నాదికే
పద్మగంధిని సుధాధరాధరే |
మంజువాణి సుకుమారి సుందరి
త్వం సురేంద్ర సక లేంద్రియార్చనం ||
21. ఆదిదేవి వదనం తనాభవ
త్కాంతిధామ మదనం దివస్ప తేః |
ఆననాదపి రసామృతం కిర
న్నిష్క్రమం విలసితం కలం గిరాం ||
22. చారువాగ్విలసితాచ్చ నిస్తుల
ప్రేమవీచిరుచిరం విలోకితం |
వీక్షి తాదపి విలాస విశ్రమ
స్థాన మల్పమలసం శుచిస్మితం ||