ఈ పుట అచ్చుదిద్దబడ్డది
194
ఇంద్రాణీ సప్తశతీ
శ. 6.
5. మర్దయత్తిమిర ముద్ధతం దిశా
మల్ప మవ్యధిక వైభవం స్మితం |
ప్రావృడస్త యమునాతరంగ వ
న్నీలచారురతి పావనః కచః ||
6. వల్లకీంచ పరుషధ్వనిం వద
న్దుఃఖితస్యచ ముదావహః స్వరః |
చారుహా వశ బలా౽లసాగతిః
కాయ ధామ వచసాం నపద్ధతౌ ||
7. యోగసిద్ధి మతులాం గతా మతి
శ్చాతురీచ బుధమండలస్తుతా |
విష్టపత్రితయ రాజ్యతో౽ప్యసి
త్వం సుఖాయ మహతే బిడౌజసః ||
8. త్వాముదీక్ష్య ధృతదేవతాతనుం
దీప్తపక్ష్మల విశాలలోచనాం |
ఆదితో జనని జన్మినా మభూ
ద్వాసవస్యరతి రాదిమేరసే ||
9. ఆదిమంరస మసాదివాసనా
వాసితౌ ప్రథమ మప్యగృహ్ణతాం |
సమ్మదస్యనిధి మాది దంపతీ
సో౽చల త్త్రిభువనే తతః క్రమః ||
10. జ్యాయసా దివిషదాం పురాతనీ
నీలకంజ నయనా విలాసినీ |
యద్విహారమతనో త్ప్రరోచనం
తత్సతా మభవ దాదిమేరసే ||