ఈ పుట అచ్చుదిద్దబడ్డది
178
ఇంద్రాణీ సప్తశతీ
శ. 6.
5. సమస్తలోకావని నాయికాయాః
సుపర్వమార్గేణ శరీరవత్యాః |
మాతుర్మహోంశం మహనీయసారం
విజ్ఞానవంత స్తటితం భణంతి ||
6. నిగూఢతేజస్తను రంబికేయం
ప్రచండచండీ పరితో లసంతీ |
అవ్యక్తశబ్దేన శరీరవత్యాః
కల్పాః కవీనాం వచనేషు భిన్నాః ||
7. శబ్దం వినానైవ కదాపితేజ
స్తేజో వినానైవ కదాపి శబ్దః |
శక్తి ద్వయం సంతతయుక్తమేత
త్కథం స్వరూపేణ భవే ద్విభక్తః ||
8. ఏకై వశక్తిః జ్వలతిప్రకృష్టా
స్వరత్యపి ప్రాభవతః సమంతాత్ |
క్రియవిభేదా దిహ పండితానాం
శక్తిద్వయోక్తిస్తు సమర్ధనీయా ||
9. ఏకక్రియాయాశ్చ ఫలప్రభేదా
త్పునర్విభాగః క్రియతే బహుజ్ఞైః
కాళీంచ తారాం స్వరమగ్ర్యమాహుః
ప్రచండచండీం లలితాంచ తేజః ||