ఈ పుట అచ్చుదిద్దబడ్డది
160
ఇంద్రాణీ సప్తశతీ
శ. 5.
14. హస్తయోస్తవ మార్దవ మింద్రో
భాషతాం సుషమామపి దేవః |
దాతృతా మనయో ర్ముని వర్గో
వర్ణయత్యజరే పటుతాంచ ||
15. పుష్పమాల్య మృదోరపి బాహో
శ్శక్తి రుగ్రతమా శరనాశే |
దృశ్య తే జగతా మధిపే తే
భాషతాం తవకస్తను తత్వం ||
16. కంబుకంఠి తవేశ్వరి కంఠ
స్తారహార వితాన విరాజీ |
దేవరాడ్భుజ లోచన పథ్యో
దేవి మే భణతా ద్బహుభద్రం ||
17. ఆననస్య గభస్తి నిధేస్తే
రామణీయక మద్భుత మీష్టే |
అప్యమర్త్య సుతాఖిల సిద్ధే
ర్వాసవస్య వశీకరణాయ ||
18. నప్రసన్న మలం రవిబింబం
చంద్రబింబ మతీవ నభాతి |
సుప్రసన్న మహోజ్జ్వల మాస్యం
కేన పావని తే తులయామః ||