ఈ పుట అచ్చుదిద్దబడ్డది
136
ఇంద్రాణీ సప్తశతీ
శ. 5.
1. మయూరసారిణీస్తబకము
1. ప్రేమవాస భూమిరచ్ఛభావ
స్థానమాన మజ్జనాఘహా మే |
ఇంద్రసుందరీ ముఖాబ్జభాసీ
మందహాస ఆపదం ధునోతు ||
2. వీక్షితైః కృపాన్వితై ర్హరంతీ
పాతకాని మంగళం భణంతీ|
జంభభేది జీవితేశ్వరీ మే
జన్మ దేశముజ్జ్వలం కరోతు ||
3. అంబరంచ దేవతానతభ్రూ
రంబతే తనుద్వయం యదుక్తం
ఆదిమా తయోర్వృషాకపిం తం
దేవ్యజీజన త్పరం జయంతం ||
4. ఏతమేవ దేవి లోకబంధుం
సూరయో వృషాకపిం భణంతి |
వర్ష హేతు దీథితి ర్వృషాయం
కం పిబన్కరైః కపిర్నిరుక్తః ||
5. కేచిదింద్రనారి చంద్రరేఖా
శేఖరం వృషాకపిం గదంతి |
పండితాః పరేతు శేషశయ్యా
శాయినం వృషాకపిం తమాహుః ||
6. బ్రహ్మణస్పతింతు వైద్యుతాగ్నే
రంశజం మరుద్గణేషుముఖ్యం |
విశ్వరాజ్ఞి విఘ్న రాజమేకే
విశ్రుతం వృషాకపిం వదంతి ||