ఈ పుట అచ్చుదిద్దబడ్డది
114
ఇంద్రాణీ సప్తశతీ
శ. 4.
14. అమర నృపతి నాసాకం కుసుమిత వనవాటీషు |
భగవతి తవ విశ్రాంతే స్సజయతి సమయః కోపి ||
15. అమర తరువర చ్ఛాయా స్వయి ముహురుపవిశ్య త్వం |
శచి కృతి జన రక్షాయై మనసి వితనుషే చర్చాం ||
16. కిము వసు వితరాణ్యస్మై సుమతి ముత దదా న్యస్మై |
క్షమతమ మధవాముష్మి న్బలమురు ఘటయానీతి ||
17. హరి తరుణి కదావామే వినమదవన చర్చాసు |
స్మరణ సమయ ఆయాస్య త్యమల హృదయరంగే తే ||
18. శచి భగవతి సాక్షాత్తే చరణ కమల దాసో౽హం |
ఇహతు వసుమతీలోకే స్మర మమ విషయం పూర్వం ||
19. నయది తవ మనోదాతుం స్వయమయి లఘ వే మహ్యం |
ఉపవన తరు కర్ణేవా వదమ దభిమతం కర్తుం ||
20. నిజ విషయ మతిశ్రేష్ఠం విపది నిపతి తంత్రాతుం |
స్వకులమపి సదధ్వానం గమయితు మపథే శ్రాంతం ||
21. అఖిల భువన సమ్రాజః ప్రియ తరుణి భవత్యైవ |
మతిబల పరిపూర్ణో౽యం గణపతిముని రాధేయః ||