స్త. 1.
ఇంద్రాణీ సప్తశతీ
103
1. క్షీరతరంగ బిందువులవలె స్వచ్ఛమైన ప్రేమను ధరించు ఇంద్రాణీ దరహసితము నా శోకమును హరించుగాక.
2. మార్గమునుండి చరణములు జారి, వైభవమును గోల్పోయిన యీ యజ్ఞభూమిని తిరుగ ఆ మార్గమునకు, వైభవమునకు గూడ ఇంద్రాణి తెచ్చుగాక.
3. బ్రహ్మకు చైతన్యమై, పిదప నాకాశశరీరిణియగుచు నంతటను గమనము గలిగిన దేవి తన ధర్మిత్వమును (చిత్తత్త్వమును) స్వయముగా బొందియున్నను వేఱుగా ప్రకాశించుచున్నది.
(విద్యుద్రూపిణియై, లేదా 'అహం' స్ఫురణరూపిణియై)
4. చిదానంద తత్త్వములతో గూడిన శ్రేష్ఠమైన దివ్యశరీరము గలిగి, సర్వ సద్గుణములతో గూడిన దైవమిధునము నేదేవి సృజించెనో, (అనగా సగుణదైవ మిధునమును)
5. ఆ మిధునమందు బ్రకాశించు పురుషునియందు 'సో౽హం బ్రహ'యని యేదేవి ప్రకాశించుచు, స్త్రీ భాగమునకు "ఆబ్రహ్మయొక్క శక్తిని నేను" అను బుద్ధిని గలిగించు చున్నదో.
6. ఏశక్తి యభిమాన బలవశముచేత నధిక వైభవము గలిగియున్న ఆ స్త్రీమూర్తిని తానే యధిదేవతగాగల శరీరిణిగా భావించు చున్నదో, (మూలశక్తి యీశ్వరాభిమానశక్తి, ఆమెలక్షణమే 'అహమ్మహ'మ్మను ప్రత్యేక భాసమానము.)