ఈ పుట అచ్చుదిద్దబడ్డది
104
ఇంద్రాణీ సప్తశతీ
శ. 4.
7. ఆదిపుంసి గగనతను ర్యా తనోతి తనుజ మతిం |
ఆ దధాతి యువతి తనుః ప్రాణనాయక ఇతి రతిం ||
8. తాం పరాం భువన జననీం సర్వపాపతతి శమనీం |
తంత్రజాల వినుత బలాం స్తౌమి సర్వమతి మమలాం ||
9. సా మతి ర్విదిత విషయా సారుచి ర్వితత విషయా |
సా రతి ర్వినుత విషయా సాస్థితి ర్విధుత విషయా ||
10. యత్ర యత్ర మమధిషణా గ్రాహ్యవస్తుని గతిమతీ |
తత్ర తత్ర విలసతు సా సర్వగా సకల చరితా ||
11. దుర్బలస్య బహుళ బలై రర్దితస్య జగతి ఖలైః |
ఆదిదేవి తవ చరణం పావనం భవతి శరణం ||
12. పౌరుషే భవతి విఫలే త్వా మయం జనని భజతే |
కింను తే యది విముఖతా పౌరుషం కథయ భజతాం ||