ఈ పుట అచ్చుదిద్దబడ్డది
5
చూతునా! అని చూసితిని; మరి
చేతునా ! అని చేసితిని; ఇక
చూడ చేయగరాని వింతలు
చూపి కన్నులు కట్టితిన్.
6
శత్రు మిత్రుల కిచ్చి నెనరులు
స్నేహవార్ధిని కొల్లగొంటిని;
నాటి మిత్రులు తరల శూన్యం
బైన పుడమిని నిలిచితిన్.
7
పంజరంబున నున్న కట్లను
పగలదన్నగ లేక స్రుక్కితి;
నింగి పర్వగ లేని జన్మము
నీరసంబని రోసితిన్.
8
“ఉసురులకు విసికితివొ? యుద్ధము
కలదు; దేశము కొరకు పోరుము.”
యుద్దమా? ఇకనేమి లోకము !
చాలు ! చాలును ! లంగరెత్తుము.
(కృష్ణాపత్రిక, 1915 జనవరి రచనాకాలం 1914 సెప్టెంబరు)
గురజాడలు
81
కవితలు
