ఈ పుట అచ్చుదిద్దబడ్డది
లంగ రెత్తుము
1
విరిగి పెరిగితి పెరిగి విరిగితి;
కష్ట సుఖములపార మొరిగితి;
పండు నన్నవి ఆశలెన్నో
యెండి రాలగ బొగిలితిన్.
2
అంద జాలని పళ్ల కోసము
అఱ్ఱు జాపితి; నేల పాకిన
చెట్ల పళ్లను విలవ లెరగక
పాదరక్షల మట్టితిన్.
3
తీపి విరిగిన చెరుకు వలె ఆ
నాటి కోర్కెలు నేడు బెండౌ
టెంచి నవ్వితి; బుద్ది చపలత
కొత్త కోర్కెల తగిలితిన్.
4
దేవతలతో జోడు కూడితి;
రక్కసులతో కూడి ఆడితి;
కొత్త మిన్కుల తెలివి పటిమను
మంచి చెడ్డల మార్చితిన్.
గురజాడలు
80
కవితలు
