(త) గవర్నమెంటు వారు జి. ఒ. రూపముగ బహిష్కరించిన గ్రంథములు తప్ప తదితర గ్రంథముల విషయమున గ్రంథాలయములు తయారు చేసిన లిష్టుల ప్రకారము గ్రాంటులీయవలెను.
5. అఁధ్రదేశ గ్రంథాలయ సంఘమునకు ప్రజల యొక్క తగిన తోడ్పాటు లేకపోవుటచే ధర్మ గ్రంథాలయోద్యమ కార్యవిధానము తృప్తికరముగ సాగుటలేదు. కాన యిట్టి లోపమును నివారణజేసి, దేశాభివృద్ధికి ముఖ్య సాధనమగు ప్రజల జ్ఞానాభివృద్ధికై నెలకొల్పబడిన ఆంధ్రదేశ గ్రంథాలయ సంఘ కార్య క్రమమును సక్రమముగ నడుపుటకుగాను తగిన ద్రవ్యసహాయమును, యితర విధముల ప్రోత్సాహమును యిచ్చుటకుగాను ప్రజలను, స్థానిక సంస్థలను యీ సభవారు ప్రార్థించుచున్నారు.
6. గౌతమీ గ్రంథాలయమునకు ఇదివరలో అమూల్యమగు విరాళము నిచ్చి ఆంధ్రదేశ ధర్మ గ్రంధాలయోద్యమమునకు ప్రోత్సాహము గలుగ జేసిన శ్రీ కంచుమర్తి రామచంద్రరావుగారు అగ్రంథాలయము యొక్క స్త్రీ శాఖకు మరల రు 20,000 రూప్యము లొసంగి మహోపకారము చేసినందుకు, శ్రీ వారికి యీ సభవారు కృతజ్ఞతా పూర్వకవఁదనము అర్పించుచున్నారు.
7. ఉదశమండలములోని పబ్లికు లైబ్రరీలో చదువరులు ప్రేక్షకులు ప్రవేశించుటకు దర్బారు దుస్తులు ధరింపవలెనను నిబంధన అక్రమ మని సభవారు అభిప్రాయపడుచు ఆట్టి నిబంధనలను తొలగించుటకు గవర్నమెంటు వారుత్తర్వు చేయవలెసని యీ సభవారు కోరుచున్నారు.
గ్రంథములు
శ్రమము నొందుచు గ్రంథముల్ చదివెనేని
జ్ఞానవంతుఁడై నరుఁడెంతో సౌఖ్యపడును
పాటుపడుటచే జెమ్మట పట్టెనేనిఁ
గాలిసౌఖ్యంబు వానికే గలదు గాదె
పెట్టెలోన జాగ్రత్తగాఁ బెట్టి దాఁచుఁ
కప్పురపు పేర్లు హరియించు కరణి నకట
జనుల యశ్రద్ధచేత భాషామతల్లి
గ్రంథముల డాగి కృశియింపఁగాఁ గడంగె
— ఆచంట సూర్యనారాయణ సాంఖ్యాయనశర్మ
