ఈ పుట ఆమోదించబడ్డది
శీత విఫలవాత శాతాసిహతిని
పలురంగులాకులు నిలువ వోబేల?
బంగారుచెం డ్లటు రంగారునంచు
కాంక్షాఫలమ్ముల కాసింతె యింతి?
క్రూరమృత్యు విషోరగోగ్రకీలలను
అమృతఫలమును విషమ్మయి పోవునేమొ!
ఆదర్శము
ఆకసమున చిఱుమబ్బుల చాటున
నడగి దాగుమూత లాడె దేలే?
నీ కళ్యాణాకృతి శోభ తెలియ
నిలచి తాండవము సేయవె మూర్తీ
చినుకుచినుకులుగ తేనెతుంపురుల
జిలుకుచు చవు లూరించెద వేలే?
ఘనధారాపాతముగ నమృత మా
కాశవాహినీ వర్షింపగదే!
