ఈ పుట ఆమోదించబడ్డది
కూనురాగముల దీయు న న్నిటు
కొనిపోయెదవే వింతసీమలకు?
మానిని, యిచ్చట నొక్కింత నిలిచి
మదిలోనిమాట జెప్పిపోగదే?
జీవనావ
ఎన్ని సంద్రముల నెన్ని నదంబుల
నీ జీవనావ గడపితి నౌరా
కన్నులకు నెత్తు రెగదట్టెదు నది
జ్ఞాపకమ్మునకు వచ్చెడి నేనిన్‌!
ఘోరమౌ తుపానుమధ్యమున బడి
కొట్టుకొనుచు జీవితాశ వీడుచు
కారుణ్యరాశియౌ పరమేశ్వరు
కరుణ నెట్లొ బ్రతికి బైటబడితిన్‌.
సుడిగుండంబుల జిక్కుక బిఱబిఱ
సురసుర దిరుగుచు మునుగుచు దేలుచు
