పుట:Geethamulu, basavaraju apparao (1934).pdf/113

గోపికా గీతలు

1

నీపై మోహము నో కృష్ణా!
     నిలుపగ లేనోయీ కృష్ణా!
ముద్దుమోము గాంచన్‌ కృష్ణా!
     మోహ మాపలేరా కృష్ణా!
చిన్నదాన నీకై కృష్ణా!
     చింతల జిక్కితిరా కృష్ణా!
నీసిగలో దొకటీ కృష్ణా!
     నెమలికన్ను నీరా కృష్ణా!
నిన్ను జూడకుండన్‌ కృష్ణా!
     నిముస మాగలేరా కృష్ణా!
పతి గలదాననురా కృష్ణా!
     పదెపదె తిప్పకురా కృష్ణా!
బతిమాలుదు నోయీ కృష్ణా!
     బాధపెట్టకోయీ కృష్ణా!
అబలను ప్రాణములో కృష్ణా!
     అర్పించితి నీకో కృష్ణా!