(9) శ్లో॥ 18 :
గతిర్భర్తా ప్రభుః సాక్షీ
నివాసః శరణం సుహృత్‌ ।
ప్రభవః ప్రలయః స్థానం
నిధానం బీజమవ్యయమ్‌ ॥ (పరమాత్మ)
(9) శ్లో॥ 19 : తపామ్యహమహం వర్షం
నిగృహ్ణామ్యుత్సృజామి చ ।
అమృతం చైవ మృత్యుశ్చ
సదసచ్చాహమర్జున ! ॥ (పరమాత్మ)
(9) శ్లో॥ 20 :త్రైవిద్యా మాం సోమపాః పూతపాపా
యజ్ఞైరిష్ట్వా స్వర్గతిం ప్రార్థయంతే ।
తే పుణ్యమాసాద్య సురేంద్రలోకమ్‌
అశ్నంతి దివ్యాన్‌ దివి దేవభోగాన్‌ ॥ (జీవాత్మ,పరమాత్మ)
(9) శ్లో॥ 21 : తే తం భుక్త్వా స్వర్గలోకం విశాలం
క్షీణే పుణ్యే మర్త్యలోకం విశంతి ।
ఏవం త్రయీధర్మమనుప్రపన్నా
గతాగతం కామకామా లభంతే ॥ (జీవాత్మ,పరమాత్మ)
(9) శ్లో॥ 22 :అనన్యాశ్చింతయంతో మాం
యే జనాః పర్యుపాసతే ।
తేషాం నిత్యాభియుక్తానాం
యోగక్షేమం వహామ్యహమ్‌॥ (జీవాత్మ,పరమాత్మ)
(9) శ్లో॥ 23 :యేప్యన్యదేవతాభక్తా
యజంతే శ్రద్ధయాన్వితాః ।
తేపి మామేవ కౌంతేయ!
యజంత్యవిధిపూర్వకమ్‌ ॥ (జీవాత్మ,పరమాత్మ)
పుట:Geetham Geetha Total.pdf/129
ఈ పుట ఆమోదించబడ్డది
