ఈ పుట అచ్చుదిద్దబడ్డది
52
ద్విపదభాగవతము
[1]మ్రగ్గె నేనుఁగలు మడిసె గాల్బలము
మ్రొగ్గె రథము లశ్వములుఁ గీటడఁగె.560
అక్షీణబలశాలియగు సీరిచేత
నక్షోహిణులు పడి యవనిపైఁ గూలె.
గరుడకేతనకాంతి గగనంబుఁ గప్ప
యరదంబు రప్పింప హరి యాజి కెఱఁగి
పటుశౌర్యనిర్ముక్తబాణజాలముల
విటతాటమై కూలె వీరసంఘంబు
హరివజ్రహతిఁ గూలె నటవారణములు
తరిమి కృష్ణుని చక్రధారలచేతఁ
బరివరలై మ్రొగ్గె బహుశతాంగములు
దనుజారి నందకదారుణహతుల
తునకలై ధరవ్రాలె తురగసంఘములు
నడవుల నేర్చు దావాగ్ని చందమునఁ
గడువడి శౌరి సంగరకేళి సల్ప
నతనితోఁ బద్నాలుగక్షోహిణిలును
హతమయ్యె వెస బ్రహారార్ధమాత్రమున
తనసైన్యముయెక్క పాటును జూచి జరాసంధుఁడు విజృంభించుట
నంతట మగధాధీశుఁ డాత్మసైన్యంబు
నంతకుకడ కేఁగు టంతయుఁ జూచి
ఘనరోషలయకాలకాలునిభంగి
తనర ధనుర్గుణోద్ధతి సింహనాద670
- ↑ మ్రొగ్గె
