పుట:Dhanurvidyaa vilaasamu (1950).pdf/225

ధనుర్విద్యావిలాసము

161

వ.⁠

వెండియు ని న్నలుబదికౌశలంబుల నప్రమత్తుండై శరంబును నడపిన ధనుర్ధరుండు లక్ష్యశుద్ధిం బడసి కృతార్థుండగు, మఱియు నిష్టదేవ తానుస్మరణంబునుం గురుస్మరణంబునుం గాక తక్కుంగలుగు నీ యష్టత్రింశత్కౌశలంబులం బండ్రెండుచోటులం గరణీయంబులై నాల్గువిన్నాణంబులు బ్రవర్తిల్లుచుండు నని సంక్షేపరూపంబుగా ధనురాగమసంప్రదాయజ్ఞులగు కొందఱు విన్నాణం బుపన్యసించు దురు. అత్తెఱంగు నివరించెద నాకర్ణింపుము.

⁠ 164

ఉ.⁠

పోఁడిమి నంబకంబు నరివోసి వడిం దెగవాపువేళలన్ మూఁడిట మార్దవంబు మఱి మూఁడిటిలోనఁ గఠోరభావముల్ మూఁడిట నార్జవం బవల మూఁడిటిలోన సమానభావముల్ జూడఁగ నాల్గుచైదములు సొన్పఁదగున్ బదిరెండుచోటులన్.

⁠ 165

క.⁠

శరనంధానంబున భా సురకార్ముకముష్టి నమరు జుట్టనఁవ్రేలన్ గర మర్థి నెడమప్రక్కకు నిరుపమగతి మార్దవంబు నినుపఁగవలయున్.

⁠ 166

చ.⁠

హదనునఁ జాపముష్టి వలహస్తపుజుట్టనవ్రేల సవ్యపున్ బదముఖమున్ దగున్ గఠినభావము గైకొనఁగా లలాటమున్ వదనము కూర్పరంబులును వాసి గనందగు నార్జవంబునన్ బదకర నేత్రయుగ్మములు పాటిల మేలు సమానవైఖరిన్.

⁠ 167

వ.⁠

వెండియుఁ బండ్రెండుచోటుల నిన్నాలుగువిన్నాణంబులు గావించు తెఱంగు ప్రకరణానుసారంబుగా నయ్యైవేళల విస్తరంబునం బ్రస్తా పించితిం గావున సంగ్రహంబుగా నుదేశించితి నింక నొక్కవిశేషంబు గల దిన్నాల్గువిన్నాణంబులం బరిఢవిల్లు నిన్నలువదికౌశలంబుల ననాదరంబున నెవ్వండేని శరంబులు నడపిన నతనియుపేక్షం జేసి శరగమనంబున ననేకదోషంబులు గలుగు నవియును వేఱువేఱ వివ రించెద నాకర్ణింపుము.

⁠ 168