చక్కగాఁ జూడ్కి లక్ష్యమునందు నిల్పుట
చిత్త మాయత్తంబు చేసికొనుట,
సదమలస్థితి వీపు గదలనీకుండుట
ధనువుచాటున రొమ్ము దాచుకొనుట,
కొమలు వంగిన ముష్టి గుఱుతుగా నిలుపుట
మునుకొని కనుబొమల్ ముడువకుంట,
పలుమొన లధరంబుపై నూనకుండుట
సరవిపై గడ్డంబు సాచకుంట,
నరముల కీళ్ళ తిన్నదనంబు సూపుట
యంగంబు లచలంబులై తనరుట,
నిట్టూర్పు సలుపక నిండారఁ దివియుట
తివియుచున్నెడ నోరు దెఱవకుంట,
యాకుంచితమున నర్ధాంగంబు కుంచుట
ప్రేరితంబున విస్తరిలి వెడలుట,
యుద్రేకమునఁ బుంఖ ముబికింపఁజూచుట
చాపముష్టి నలుంగు ససిఁబఱుచుట,
సొరిదిమైఁ బుంఖంబు చులకఁగా వదలుట
సింహంబులీల గర్జిల్లుచుంట,
ఠీవి డాకేలు జాడింపఁగా నేర్చుట
ప్రోదిమై సమపదంబున నిలుచుట,
పౌరుషంబునకుఁ జాపము కౌఁగిలించుట,
తెగవాపి విశిఖమ్ము తెఱఁగు గనుట,