సోఁకం దిగిచి పదజానుజంఘోరుకటిమధ్యవక్షోగళచుబుకాధరనయన
భ్రూలలాటభుజకూర్పరమణిబంధకరతలాంగుళంబుల నార్జవం బా
పాదించుచు దక్షిణభుజకూర్పరంబు నారాచపుంఖంబునకును, నారా
చపుంఖంబు వామజత్రుస్థానమునకును వామజత్రుస్థానంబు ధనుర్లస్తక
సంహతంబగు వామముష్టిప్రదేశంబునకుం జక్కనగా సూలునం బట్టిన
యట్టు లమర్చి యట్లు బెడిదంబగు వామముష్టిప్రదేశంబు ననుసరించి
నిశ్చలంబుగా దృష్టిప్రసారంబు నిగుడింపుచుఁ గోరకంబు కరణిఁ జాప
యష్టిమఱుంగున గాత్రం బాకుంచితంబుఁ గావించి యూర్పుగాడ్పుల
నెడగలుగం జడియుచుఁ గర్ణాభ్యర్ణంబునకుం దిగిచి తోడనే వలపట
డాపటం బ్రకటంబులగు ఱెక్క లక్కజంబుగా నొండొకటి నొరయం
బుంఖోద్వేజనంబును, నారాచమోచనంబును, ముష్టిప్రేరణంబునుం
జాపోత్సరణంబునుం గావించి పుంఖంబు లస్తకంబు వెడలునంతకుం
బంచాననంబునకుం గమకించు శరభంబులీల సరభసంబుగా మలయా
నిలశీతలవలనంబులం జిలిబిలివికసించు మల్లికాముకుళంబుకరణి
వెలి కుఱికి కఠికరణిం గరకరి నర్ధమండలంబునం దక్షిణచరణంబు
వామాంఘ్రిసదృశంబుగా సమపదస్థానకంబున నిలిచి యూర్ధ్వాధః
కృతగుణపృష్టంబగు కార్ముకంబు వక్షంబునకుం దెచ్చి పౌరుషంబు
నకుం బరిరంభణంబునుఁ గావించుచు, సింహగర్జనంబుతోడన దక్షిణ
హస్తప్రథమాంగుళనఖరంబు గగనభాగంబును, ద్వితీయాంగుళనఖ
రంబు వక్షఃస్థలంబునుం జూచునట్లుగా నమర్చి నిలుపం దగు నిది
వేదికాలక్ష్యంబున నారాచనమోచనప్రకారంబు, మఱియు నిందు
లకుం దగినవిన్నాణంబులు గలవు క్రమక్రమంబున వివరించెద
నాకర్ణింపుము.
