పుట:Dhanurvidyaa vilaasamu (1950).pdf/193

వికీసోర్స్ నుండి
ఈ పుట అచ్చుదిద్దబడ్డది

ధనుర్విద్యావిలాసము

129


యేపుమై చాపంబువైపులు భావించి
        గరిమతో నరిఁ జక్కఁగా ఘటించి
ప్రోదిమై విల్లు వర్తులముష్టిఁ గీలించి
        యాలక్ష్యవేదిక నధికరించి


గీ.

దవ్వులను లక్ష్యవేదికఁ దనరు శక్తి
యమరుచోట సమస్థానకము ఘటించి
కార్ముకగుణంబు పృష్ఠభాగంబు క్రిందు
మీఁదు గనునట్లుగా ముష్టి నూఁది మఱియు.

41


గీ.

మ్రోల నొరుఁ డూను తూణపుముఖమునందు
నీటెపట్టున నారస మెడలఁ దిగిచి
సాఁచి నారాచమధ్యంబు చాపయష్టి
నడుమ డాపలిముష్టిపై నిడఁగవలయు.

42


క.

అటు లూనిననారాచం
బిటునటులుం గదలనీక యిట్లు పదిలుఁడై
దిటమున జుట్టనవ్రేలం
బటుతరగతి నూదవలయుఁ బాటవ మెసఁగన్.

43


క.

మొదలిటినియమము దప్పక
సదమలగతిఁ బుంఖ మదికి సమధికధైర్యా
స్పదుఁడై డాపలిపార్ష్ణిన్
బదపడి యిడవలయు సవ్యపదగుల్ఫమునన్.

44


వ.

ఇవ్విధంబున వైష్ణవస్థానకంబుననుండి తోడన ధనుశ్శృంగంబు
వామోరుపర్వాగ్రగంబుగా శరాసనంబు వంచి యిరువదినాలుగంగు
ళంబులకొలఁదిం బదయుగళంబునకు నెడ గల్గునట్లుగా వామపదంబు
జఱపుచు బెట్టిదంబుగా నిలువరించి పూర్వోక్తప్రకారంబుగా నరాళ
హస్తంబున గాఢాకర్షణంబుఁ గావించుచుఁ జుబుకాధరమధ్యంబు